رثاء الي روح اخي

المرحوم عبدالله مسعود الاطرش

ياخوي رثاء 1977الرياينه هذه بعض المحاولات للتعبير عن الحزن والألم الكبير الذي أحسست به ومازال يسكن النفس بعد رحيل أخي عبد الله الذي كان بالنسبة لي الصديق والرفيق والاخ والسند في هذه الحياة الشاسعة المليئة بالمتناقضات والتعاسة والألم والحرمان. ياخوي بعدك ماشفت أجــروحي اوياعين صبي الدمع وابكي ونوحي ياخوي بعدك ماعرفتش راحـــة والقلب هايم كاثرات جــــراحه زادت الأمي ودمعتي سواحـــه والبيت لفه الحزن وين أفراحـــه ويوم إن رحل خلي القلوب جراحي سافر مشي خالي قعد مطراحــه اوياخوي بعدك ماتساوي حــالي تخلبصت وانقطعت جميع أمــالي واحتي رحل قاعد عزيز فــبالي تعذب عذابه ماتوده لوالـــــي والفكر يتذكر سنين خــــوالي ونتذكرك في البيت يتهايالــــي أنزيد نذكره امنين كان بيحاكـيني يزداد دمعي واسكبي ياعيــــني اوماعادشي ناراه لايلاقيــــني اومحال مايكف الزمان حنـــيني اوياخوي ما ننساك تبكي عيــني اونتذكرك وسط المنام اتجـــيني الله يرحمك هو ربنا يــــهديني اويغفر اذنوبك قبل كنت ايمــيني واليوم تحت اللحد قبر امظـــلم افراقك اصعب عني اوهو كاوينـي ابنادم اليا قصرت منيته أيـــسلم اوفوق منه بيحطوا صفيح اوطيـني اولايشبحه لايرد لايــــــتكلم ممدود وسط القبر شفت ابعـــيني لافرق في الجاهل اولاالمتـــعلم كان شبر ممكن يلحقه يقيــــني لاتقول عاش اولامشي وتـــكلم عليك عمر هذا العمر مايهنيــني اومن ال تذبل بسمتك ياعـــيني اوترحل مع ليام وتخلـــــيني اونتفارقوا اوتمشي اوماترجــيني بعدك نحبت الدمع مايكفــــيني انجي البيت لانلقاك لاتلاقيـــني كان صورتك وسط الكتب تنبيـني اوياخوي ياماصار بعدك يامـــا اتقول طفل قاعد في بديت افطامـه اوبعدك انظن الليل زاد ظــلامه اوبعدك قعدت غريق في دوامــه المركب تحطم والحياة ظـــلامه ايجي يوم ينسي العبد كل اوهامـه اوينسي اهمومه في الحياة والامـه اوبعدك بدت ليام بتشقينـــــي بقلم عيسى الاطرش